21 лютага - дзень роднай мовы
18.02.2023Паважаныя калегі, вучні, бацькі!
Віншуем усіх вас з Міжнародным днём мовы!
Менавіта сёння, 21 лютага, усе мовы свету прызнаюцца роўнымі, бо кожная з іх жывая спадчына.
Мова родная, беларуская
Ты – мая назаўсёды любоў.
Родная мова… Непаўторная, мілагучная і пявучая. У народа няма большага багацця, чым яго мова. Без мовы не можа існаваць і развівацца грамадства.
Сёння ў свеце шмат прыгожых моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна мова, якая завецца роднай. Менавіта на гэтай мове ён размаўляе з роднымі, блізкімі, сябрамі.
Мы – беларусы. Родная мова наша – беларуская! Размаўляйце па-беларуску. Паспрабуйце сёння сказаць сваім блізкім “”Добры дзень!, “Вітаю”, “Дзякуй”, “Калі ласка”…
“Не пакідайце ж мовы нашай беларускай!” – казаў Францішак Багушэвіч.
Сапраўды, не пакідайце яе і вы! Беражыце наша нацыянальнае хараство, багацце, беражыце душу нашай нацыі!
План мерапрыемстваў
у рамках Міжнароднага дня роднай мовы
Пасецкай сярэдняй школы Старадарожскага раёна
№ п/п |
Назва мерапрыемства |
Час і месца правядзення |
Адказныя |
1. |
Селектар абвяшчае «Увага! Дзень роднай мовы» (азнаямленне вучняў і настаўнікаў з планам Міжнароднага дня роднай мовы) |
21.02.2023 |
Настаўнікі беларускай мовы і літаратуры |
2. |
Класныя і інфармацыйныя гадзіны, прысвечаныя Дню роднай мовы (1-11класы) |
21.02.2023 |
Класныя кіраўнікі 1-11 класаў |
3. |
Дыктоўкі, прысвечаныя Дню роднай мовы, «Родная мова стала блізкай мне змалку», «Квітней і незалежнай будзь, Радзіма родная мая!» |
На працягу дня |
Настаўнікі беларускай мовы і літаратуры |
4. |
«Чытаем вершы і прозу на роднай мове» |
На працягу дня |
Настаўнікі беларускай мовы і літаратуры |
5. |
Акцыя “Гаворым па-беларуску” |
На працягу дня, |
Настаўнікі беларускай мовы і літаратуры |
6. |
Інфармацыйна-пазнавальная гульня “Беларускія залацінкі-хітрынкі (1-4 класы) |
На працягу дня, |
Настаўнікі беларускай мовы і літаратуры |
7. |
Акцыя «Навучы сябра гаварыць па-беларуску» (1-11 класы) |
На працягу дня |
Настаўнікі беларускай мовы і літаратуры |
8. |
Падвядзенне вынікаў Дня роднай мовы. |
21.02.2023 |
Настаўнікі беларускай мовы і літаратуры |
9. |
Турнір знаўцаў роднай мовы “Таямніцы роднай мовы” |
21.02.2023 |
Сірата Н. П. |
10. |
Інтэлектуальная гульня “Сцяжынкамі роднай мовы” |
21.02.2023 |
Крыгер Н. С. |
Цікавым і запамінальным быў Дзень беларускай мовы ў нашай установе адукацыі. У турніры знаўцаў беларускай мовы ўдзельнічалі навучэнцы 6 - 11 класаў. Вучні пашырылі веды пра свой родны край, беларускую культуру, вусную народную творчасць, абрады і народныя традыцыі.